لاہور (نمائندہ جسارت) امیر جماعت اسلامی سراج الحق آج منصورہ کے مرکزی دفاتر کے لان میں پرچم کشائی او ر میڈیا سے گفتگو کریں گے۔ سیکرٹری اطلاعات قیصر شریف نے کہا ہے کہ امیر جماعت صبح 9بجے سبز ہلالی پرچم کو بلند کریں گے۔ اس موقع پر جماعت اسلامی کی دیگر قیادت، اراکین و کارکنان کی ایک بڑی تعداد بھی موجود ہو گی۔ قیصر شریف نے یوم آزادی کے موقع پر پوری قوم کو مبارکباد دی ہے اور ملک کے لیے نیک تمنائوں کا اظہار کیا۔
