مختصر پیغامات کی مقبول سوشل میڈیا ویب سائٹ ٹوئٹر نے آن لائن شاپنگ کی سہولت فراہم کرنے کا اعلان کر دیا۔
بین الاقوامی میڈیا رپورٹس کے مطابق ٹوئٹر نے آئن لائن شاپنگ کے لیے فیچر متعارف کروانے کا اعلان کیا ہے جس کے ذریعے گھر بیٹھے شاپنگ کی جاسکے گی۔
ٹویٹر ایک نئے فیچر کو آزما رہا ہے جس سے کاروباری ادارے خریداری کے حصے کو اپنے پروفائلز میں شامل کرنے کر سکیں گے۔
اس حوالے سے ٹوئٹر کا کہنا ہے کہ وہ امریکا میں شاپنگ فیچر کی آزمائش کرے گا اس سلسلے میں کچھ برانڈز کو ساتھ ملایا جائے گا۔
صارفین برانڈ کے پروفائل کے ٹاپ پر پراڈکٹس کی لسٹ دیکھ سکیں گے اور کسی پراڈکٹ پر کلک کرنے کے بعد برانڈ کی ویب سائٹ پر جاکر شاپنگ کر سکیں گے۔
