کراچی (آن لائن) اپوزیشن لیڈر سندھ اسمبلی حلیم عادل شیخ نے کہا ہے کہ ذوالفقار علی بھٹو اور بے نظیر بھٹو کی جماعت کو بلاول زرداری نے چھوٹی علاقائی جماعت بنادیا ہے، سندھ حکومت نے اب تک شہر پر صفر خرچ کیا۔ پیپلزپارٹی چیئرمین بلاول زرداری نے اپنے بیان میں غیر ذمے دارانہ بیان دیا ہے کہ 11 سو ارب کے پیکیج میں کراچی پر ایک روپیہ خرچ نہیں ہوا، بلاول
شاید سندھ حکومت کی طرف دیکھ کر بالکل درست کہہ رہے ہیں، کراچی ترقیاتی پروگرام 11سو ارب میں وفاقی حکومت کا 62 فیصد اور 38 فیصد سندھ حکومت کا شیئر تھا۔ وفاق کے تحت 35 ارب نالوں کی صفائی پر خرچ ہوچکے ہیں، گجر، محمودآباد، اورنگی نالے کا 80 فیصد کام مکمل ہوچکا ہے۔
