لاڑکانہ(نمائندہ جسارت) لاڑکانہ کے قریب خیرپور پل پر تیز رفتار دو موٹرسائیکلوں میں آمنے سامنے ٹکر کے نتیجے میں گاؤں لال بخش بھٹی کا رہائشی نوجوان شوکت بھٹی اور ان کی ضعیف والدہ امام زادی بھٹی شدید زخمی ہوگئے جنہیں علاقہ مکینوں نے تشویش ناک حالت میں چانڈکا اسپتال کے شعبہ حادثات منتقل کیا جہاں دوران علاج ضعیف خاتون دم توڑگئیں جبکہ زخمی نوجوان کو طبی امداد دی گئی۔ اس موقع پر زخمی نوجوان نے بتایا کہ وہ خیرپور میرس سے اپنی والدہ کو لے کر موٹرسائیکل پر گاؤں جارہا تھا کہ راستے میں سامنے آمنے والی موٹرسائیکل کا ان کی موٹرسائیکل سے ٹکر ہوئی ا جس کے نتیجے میں حادثہ پیش آیا ہے۔
