ٹھٹھہ (نمائندہ جسارت) ایس ایس پی ٹھٹھہ ڈاکٹر محمد عمران خان کی خصوصی ہدایات پر ضلع بھر میں پولیس کی کامیاب کارروائیوں کا سلسلہ تیزی سے جاری، ایس ایچ او و انسپکٹر دھابیجی تھانہ غلام علی لاکھو اور اے ایس آئی مشتاق حسین پنہور نے مع اسٹاف کے دوران گشت خفیہ اطلاع ملنے پر کوسٹل ہائی وے دھابیجی کے ڈی اے نالی کے قریب کامیاب کارروائی کرکے دو ملزمان جہانگیر شیخ اور محمد عثمان جوکھیو کو گرفتار کرکے انکے قبضے سے جرائم میں استعمال کی گئی پستول اور موٹر سائیکل برآمد کرکے دھابیجی تھانے پر الگ الگ مقدمات درج کرلیے۔ ملزمان سے تفتیش کی جارہی ہے۔ دھابیجی پولیس کی کامیاب کارروائی پر رہائشیوں نے ایس ایس پی ٹھٹھہ ڈاکٹر محمد عمران خان، ایس ایچ او و انسپکٹر غلام علی لاکھو، اے ایس آئی مشتاق حسین پنہور اور پوری پولیس پارٹی کو مبارکباد پیش کی ہے۔
