کراچی (اسٹاف رپورٹر)پاکستان پیپلز پارٹی ضلع جنوبی کی جانب سے سابق صدر آصف علی زرداری کی سالگرہ کے حوالے سے عالیشان تقریب منعقد کی گئی جہاں ان کی صحت یابی کیلیے دعا کی گئی اور کیک کاٹا گیا۔ ضلعی صدر خلیل ہوت نے کہاکہ مرد حر نے “پاکستان کھپے” کا نعرہ لگا کر پاکستان کو ٹکڑے ٹکڑے ہونے سے بچایا۔سابق صوبائی وزیر جاوید ناگوری نے بھی سابق صدر کو خراج تحسین پیش کیا۔تقریب میںپیپلز اسٹوڈنٹس فیڈریشن ضلع جنوبی کے نو منتخب صدر شہباز ملک، انفارمیشن سیکرٹری پی ایس ایف کراچی طلال چانڈیو، سینئر نائب صدر سلمان پٹنی، جنرل سیکرٹری ولید بلوچ کو اجرک پہناتے ہوئے مبارکباد دی گئی۔
