کوئٹہ کے علاقے ہزارگنجی میں دھماکے کے نتیجے میں 4 افراد زخمی جبکہ 2 گاڑیوں اور ایک موٹر سائیکل کو نقصان پہنچا ہے۔
تفصیلات کے مطابق دھماکہ کوئٹہ کے علاقے ہزار گنجی میں سبزی منڈی کے گیٹ پر ہوا ہے اور دھماکے میں زخمی ہونے والوں کو فوری طور پر ابتدائی طبی امداد کے لیے قریبی اسپتال منتقل کر دیا گیا۔
پولیس کے مطابق ہزار گنجی میں دھماکا ریموٹ کنٹرول تھا جس میں ایک کلو دھماکا خیز مواد استعمال کیا گیا ہے جبکہ دھماکے سے قریبی عمارتوں اور دکانوں کے شیشے بھی ٹوٹ گئے ہیں۔
پولیس کے مطابق دھماکے کی جگہ پر پولیس اور ریسکیو کی ٹیمیں پہنچ گئی ہیں اور دھماکے کی جگہ کو گھیرے میں لے لیا گیا ہے جبکہ زخمیوں کو اسپتال منتقل کر دیا گیا ہے۔
دوسری جانب بم ڈسپوذ اسکواڈ کا کہنا ہے کہ دھماکے کی نوعیت معلوم کی جارہی ہے جبکہ پولیس نے علاقے کو گھیرے میں لے کر ملزمان کی تلاش شروع کر دی ہے اور مشکوک افراد سے پوچھ گچھ کا سلسلہ جاری ہے۔
