لاہورمیں کوٹ لکھپت کے علاقے میں مبینہ پولیس مقابلہ کے دوران انٹرپول کو مطلوب ملزم ہلاک ہوگیا۔
تفصیلات کے مطابق ملزم فاروق کوکل لاہورریلوےاسٹیشن سےسی آئی اے ماڈل ٹاؤن نےگرفتار کیا تھا اور ملزم کو نشاندہی کیلئےلے جایا جا رہا تھا کہ ساتھیوں نے پولیس پارٹی پر حملہ کر دیا۔
پولیس نے دعویٰ کیا ہے کہ نا معلوم افراد کی فائرنگ سے ملزم ہلاک، ساتھی فرار ہو گئے، ملزم پر کراچی ،سکھر اور ساہیوال میں کئی افراد کوپیسےلےکرقتل کرنےکاالزام تھا، ملزم سری لنکن پولیس اور انٹرپول کو بھی مطلوب تھا۔
کوٹ لکھپت میں مبینہ پولیس مقابلےکا مقدمہ درج کر لیا گیا ہے، مقدمہ انسپکٹر فاروق اصغر اعوان کی مدعیت میں درج کیا گیا۔
ایف آئی آر کے مطابق ملزم ساتھی کی فائرنگ سے ہلاک ہوا،ملزم کا ساتھی پولیس پرسیدھی فائرنگ کرتا رہا تاہم پولیس اہلکار معجزانہ طور پر محفوظ رہے۔
