سکھر (نمائندہ جسارت) پنو عاقل کے قریب نہر سے ایک اور نوجوان کی لاش برآمد ،پولیس نے لاش نکلوالی، سکھرضلع کی تحصیل پنوعاقل کے گاؤں غلام علی مہیسر کے قریب کورائی واہ نہر سے ایک نوجوان کی لاش ملی ہے۔ دیہاتیوں کی اطلاع پر پولیس نے پہنچ کر مقامی غوطہ خوروں کی مدد سے لاش نکلوا کر اسپتال پہنچائی، جہاں پر لاش کی شناخت نہیں ہوسکی جو سردخانے میں رکھوا دی گئی۔ علاقہ مکینوں کے مطابق گزشتہ چار دنوں میں نہر سے ملنے والی نامعلوم لاشوں کی تعداد دو ہوگئی ہے۔
