لاہور(جسارت نیوز)پاکستان ہاکی ٹیم کے سابق کپتان منظور حسین جونیئر کی جانب سے ٹوکیو اولمپکس میں پاکستان ہاکی ٹیم کے شرکت نہ کرنے پر افسردگی کا اظہار کیا گیا ہے۔اولمپکس 84ء میں ہاکی ٹیم کے فاتح کپتان، منظور حسین جونیئر نے اپنے بیان میں کہا کہ ٹوکیو اولمپکس میں پاکستان ہاکی ٹیم کے نہ جانے سے افسوس ہوا ہے، یہ بدقسمتی ہے کہ وکٹری اسٹینڈ پر رہنے والی ٹیم اب کہیں نہیں۔منظور جونیئر نے کہا کہ ہاکی میں دوبارہ مقام حاصل کرنا چیلنج ہے۔
