لاڑکانہ (نمائندہ جسارت) ایس ایس پی لاڑکانہ عمران قریشی کی ہدایات پر لاڑکانہ پولیس نے مختلف علاقوں میں جرائم پیشہ افراد کے خلاف کارروائیاں کرتے ہوئے اشتہاری و روپوش 6 مزمان کو گرفتار کرکے چوری شدہ موٹرسائیکلیں اور منشیات برآمد کرکے مقدمات درج کرلیے۔ مارکیٹ پولیس نے مطلوب ملزم نوید لولائی کو دو کلو چرس سمیت، سیہڑ پولیس نے اشتہاری ملزم گلزار بھنڈ کو، گیریلو پولیس نے دوران چیکنگ روپوش ملزم شفقت بروہی کو، ولید پولیس نے دوران چیکنگ مطلوب ملزم سعید ملانو کو بھنگ سمیت، ہٹڑی غلام شاہ پولیس نے مطلوب ملزم علی گوہر کلہوڑو کو اور رتوڈیرو پولیس نے ضلع جیکب آباد کے علاقے محمد پور اوڈھو کے رہائشی ملزم عرفان کلہوڑو کو پانچ موٹر سائیکلوں سمیت گرفتار کرلیا۔ دوسری جانب ولید پولیس نے چوری شدہ موٹرسائیکل برآمد کرکے اصل مالک احمد علی تنیو اور دڑی پولیس نے چوری شدہ موٹرسائیکل برآمد کرکے اصل مالک شیراز ہلیو کے حوالے کردی، پولیس کے مطابق گرفتار ملزمان کے خلاف ایسے مقدمات درج کرکے تفتیش شروع کردی گئی ہے۔
