لاڑکانہ (نمائندہ جسارت) لاڑکانہ خیرپور روڈ پر تیز رفتار کار اور موٹرسائیکل میں ٹکر کے نتیجے میں خواتین اور بچوں سمیت سات افراد زخمی ہوئے جن میں موٹرسائیکل سوار کنڈیارو کے رہائشی منیر جوگی، سکینہ خاتون، زاہدہ خاتون، دو سالہ عمران جوگی، کار سوار شہر کے لاہوری محلہ کے رہائشی برکت علی میمن، ان کی اہلیہ اور دو سالہ بیٹا زین العابدین میمن شامل ہیں جنہیں تشویش ناک حالت میں چانڈکا اسپتال کے شعبہ حادثات منتقل کیا گیا جہاں زخموں کو طبی امداد دی گئی تاہم دو سالہ بچے زین العابدین کی حالت تشویش ناک بتائی جاتی ہے، دوسری جانب آخری اطلاع موصول ہونے تک زخمیوں کا علاج جاری تھا۔
