ہیمبرگ (جسارت نیوز)ایلینا گیبریلا روس نے جیت کا سلسلہ برقرار رکھتے ہوئے ہیمبرگ یورپین اوپن ٹینس ٹورنامنٹ جیت لیا۔ فیصلہ کن معرکہ میں انہوں نے ایندرے پیٹکووچ کو شکست دی۔ جرمنی کے شہر ہیمبرگ میں کھیلے گئے ڈبلیو ٹی اے ایونٹ کے فائنل میں رومانیہ کی ایلینا گیبریلا نے جرمنی کی ایندرے پیٹکووچ کو دلچسپ مقابلے کے بعد 6-7 اور 4-6 سے ہرا کر ٹائٹل اپنے نام کیا۔ یہ ان کے کیریئر کا پہلا ڈبلیو ٹی اے ٹائٹل ہے۔ ٹورنامنٹ کے ڈبلز مقابلوں کے فائنل میں اٹلی کی جیسمین پائولینی اور سوئٹزز لینڈ کی جل تھائخمان نے آسٹریلیا کی ایسٹرا شرما اور ہالینڈ کی روسیلی وین ڈر ہوک کو بآسانی 0-6 اور 4-6 سے شکست دے کر ٹائٹل اپنے نام کیا۔
