سوات:خیبر پختون خواہ کے ضلع سوات میں کالام اور اوتروڑ قبائل درمیان دیسان بانڈہ کی اراضی اور فصل کے تنازع پر مسلح لڑائی کے دوران 5 افراد جاں بحق اور 15 زخمی ہوگئے۔
پولیس کے مطابق دونوں قبائل میں سرحدی علاقہ میں جھڑپ ہوئی اور فریقین کے مابین فائرنگ کا سلسلہ جاری ہے، پولیس اور ایف سی کی بھاری نفری جائے وقوعہ پہنچ گئی۔ لاشوں کو اسپتال منتقل کردیا گیا ہے اور تحقیقات جاری ہیں۔ ہلاک دو افراد کی شناخت سعید عمر سکنہ اتروڑ اور محمد نبی سکنہ بٹندر کالام کے نام سے ہوئی۔
کالام کے بہت سے لوگ اتروڑ کے سیاحتی علاقوں میں اور اتروڑ کے افراد کالام کے علاقوں میں پھنسے ہیں، انتظامیہ ان کی بحفاظت واپسی یقینی بنانے کی کوشش کررہی ہے۔ پولیس موقع پر پہنچی تو اس کی گاڑی پر بھی پتھراؤ کیا گیا ہے۔
وادی کالام سوات میں کالام اور اتروڑ اقوام کے مابین کنئی دیسان بانڈہ کی اراضی پر طویل عرصے سے تنازع جاری ہے۔
