پی ایس اے سیٹلائٹ اسکواش ٹورنامنٹ اسلام آباد میں شروع ہو گیا

اسلام آباد (جسارت نیوز)پاکستان اسکواش فیڈریشن کے زیراہتمام پی ایس اے سیٹلائٹ اسکواش ٹورنامنٹ مصحف ا سکواش کمپلیکس اسلام آباد میں شروع ہو گیا ۔ ٹورنامنٹ میں ملک سے16مرد کھلاڑی حصہ لے رہے ہیں جن میںنور زمان، محمد عماد، اسداللہ خان، احسن ایاز، فیضان خھان، فراز محمد، محمد اذان خاور، سعید عبدل ، فرحان ہاشمی، مطاہر علی شاہ، فواد حسین، حسنین رضا، حمزہ شریف، محمد اشاب عرفان، علی الدین اور نوید رحمن شامل ہیں۔ ٹورنامنٹ میں ایک ہزار ڈالر کی انعامی رقم رکھی گئی ہے اس موقع پرپاکستان اسکواش فیڈریشن کے سیکرٹری جنرل گروپ کیپٹن طاہر سلطان بھی موجود تھے۔