لندن (جسارت نیوز) پولینڈ کے ٹینس کھلاڑی ہوبارٹ ہرکاز ومبلڈن اوپن ٹینس ٹورنامنٹ کے سیمی فائنل میں پہنچ گئے جبکہ سوئٹزرلینڈ کے بین الاقوامی شہرہ آفاق ٹینس اسٹار ، سابق عالمی نمبر ایک اور 20 گرینڈ سلام ٹائٹلز کے چیمپئن راجر فیڈرر مینز سنگلز مقابلوں کے کوارٹر فائنل میں ہار کر میگا ایونٹ سے باہر ہوگئے۔ کھیلے گئے مینز سنگلز مقابلوں کے کوارٹر فائنل رائونڈ میں سوئس اسٹار راجر فیڈرر کا مقابلہ پولینڈ کے ہوبارٹ ہرکاز سے تھا جس میں پائولش کھلاڑی نے انتہائی شاندار کارکردگی کا مظاہرہ کرتے ہوئے راجر فیڈرر کو 3-6، 7-6(7-4) اور 0-6 سے ہر اکر میگا ایونٹ سے باہر کر دیا۔8 مرتبہ ومبلڈن اوپن چیمپئن راجر فیڈرر 8 اگست کو 40 سال کے ہوجائیں گے۔ راجرفیڈرر کی ومبلڈن اوپن ٹینس ٹورنامنٹس میں 119 میچوں میں 14 ویں شکست ہے ۔یوں راجرفیڈرر کا 21واں گرینڈ سلام ٹائٹل جیتنے کا خواب شرمندہ تعبیر نہ ہوسکا۔فاتح پائولش کھلاڑی کا سیمی فائنل میں مقابلہ اٹلی کے میٹیو بریٹینی سے ہوگا۔
