راولپنڈی (صباح نیوز) اقوام متحدہ میں پاکستان کے مستقل مندوب منیر اکرم نے آرمی چیف جنرل قمر جاوید باجوہ سے ملاقات کی ہے۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ سے اقوام متحدہ میں پاکستان کے مستقل مندوب منیر اکرم نے جنرل ہیڈ کوارٹر (جی ایچ کیو) راولپنڈی میں ملاقات کی، جس میں باہمی دلچسپی کے امور اور علاقائی سیکورٹی کی صورتحال پر تبادلہ خیال کیا گیا۔ ساتھ ہی افغانستان میں مفاہمتی عمل اور تنازع کشمیر پر بھی تفصیلی بات چیت کی گئی۔ آئی ایس پی آر کے مطابق ملاقات میں آرمی چیف نے پاکستانی مشن کی اقوام متحدہ میں خدمات کو سراہا۔
