آریانا ،کیرولینا اور میڈیسن کیز مبلڈن اوپن ٹینس تیسرے رائونڈ میں پہنچ گئیں

لندن(جسارت نیوز)بیلا روس کی ٹینس سٹار اور میگا ایونٹ کی سیکنڈ سیڈڈ آریانا سابالینکا جمہوریہ چیک کی کیرولینا پالیسکووا اور امریکی ٹینس اسٹار میڈیسن کیز اپنی فتوحات کو برقرار رکھتے ہوئے ومبلڈن اوپن ٹینس ٹورنامنٹ کے تیسرے رائونڈ میں پہنچ گئیں جبکہ امریکی فورتھ سیڈڈ صوفیہ کینن دوسرے رائونڈ میں ہار کر میگا ایونٹ سے باہر ہوگئیں۔ سال کے تیسرے گرینڈ سلام ومبلڈن اوپن ٹینس کے دلچسپ مقابلے انگلینڈ کے دارالحکومت لندن میں جاری ہیں۔ ویمنز سنگلز مقا بلوں کے دوسرے رائونڈ میں بیلاروس کی آریانا سابالینکا نے شاندار کارکردگی کا مظاہرہ کرتے ہوئے برطانوی حریف کھلاڑی کیٹی بولٹر کو 6-4، 3-6 اور 3-6 سے ہرا کر تیسرے رائونڈ کے لیے کوالیفائی کرلیا۔ جمہوریہ چیک کی کیرولینا پالیسکووا نے عمدہ کھیل پیش کرتے ہوئے کروشین حریف کھلاڑی ڈونا ویکک کو سٹریٹ سیٹس میں 2-6 اور 2-6 سے ہرا دیا۔