ٹھٹھہ (نمائندہ جسارت) ٹھٹھہ اور جھمپیر روڑڈکی بحالی کے لیے پریس کلب جھمپیر کی اپیل پر اعلانیہ بھوک ہڑتال، چوتھے روز بھی جاری، بھوک ہڑتالی کیمپ میں جئے سندھ محاذ ضلع ٹھٹھہ کے صدر امجد شورو، گسٹا رہنما نذیر احمد شورو، ظہور پالاری، معشوق پالاری، حاجی مجید جاکھرو، آصف ملاح، عابد ملاح، حاجی رسول بخش، منچھیری کینجھر ایکشن کمیٹی کے حسین بخش ملاح، ایس یو پی رہنما محمد بخش مری، ہیومین رائٹس کے رضا محمد خاصخیلی، جماعت اسلامی کے مانن چانگ، صحافی نذیر پالاری، خدا ڈنو پالاری، اسماعیل درس، حمید پالاری، اکبر شورو سمیت کوہستانی علاقے کے لوگوں نے بڑی تعداد میں شرکت کی۔ رہنمائوں نے مطالبہ کیا کہ فوری طور پر ٹھٹھہ تا جھمپیر روڑ کی نئے سرے سے تعمیر کراکے یہاں کے لوگوں کو سفری سہولیات فراہم کی جائیں۔ دوسری صورت میں مطالبات پورے نہ ہونے تک احتجاج جاری رہے گا۔
