ٹھٹھہ (نمائندہ جسارت) ایس ایس پی ٹھٹھہ ڈاکٹر محمد عمران خان کی خصوصی ہدایات پر ضلع ٹھٹھہ پولیس کی کامیاب کارروائیوں کا سلسلہ تیزی سے جاری۔ گاڑھو پولیس نے قتل کے مقدمے میں مطلوب اشتہاری ملزم گرفتار کرلیا۔ ایس ایس پی ٹھٹھہ ڈاکٹر محمد عمران خان کی خصوصی ہدایات پر عمل کرتے ہوئے ضلع بھر کی پولیس کا آکڑہ پرچی، منشیات فروشوں، جرائم پیشہ، روپوش اور اشتہاری ملزمان کیخلاف کارروائیوں کا سلسلہ تیزی سے جاری ہے۔ اس ضمن میں ایس ایس او و انسپکٹر گاڑھو تھانہ عبدالمجید بروہی نے مع اسٹاف کے دوران گشت خفیہ اطلاع ملنے پر گاڑھو کے قریب کامیاب کارروائی کرکے ضلع سجاول میں قتل کے مقدمے میں ملوث اشتہاری ملزم اسماعیل سومرو کو گرفتار کرلیا۔ گرفتار ملزم کا مزید کرمنل ریکارڈ طلب کیا جارہا ہے اور تفتیش بھی جاری ہے۔ ملزم کیخلاف لاڑیوں تھانے میں قتل اور اسلحہ کے 2018ء میں دو مختلف کیسز درج تھے، گاڑھو پولیس کی کامیاب کارروائی پر گاڑھو اور دیگر علاقوں کے عوام نے ایس ایس پی ٹھٹھہ ڈاکٹر محمد عمران خان ایس ایچ او و انسپکٹر گاڑھو عبدالمجید بروہی اور پوری ٹیم کو خراج تحسین پیش کیا ہے۔
