لاڑکانہ(نمائندہ جسارت) لاڑکانہ شہر اور گرد و نواح میں آوارہ کتوں نے 7 افراد کو کاٹ کر زخمی کردیا جن میں 6 سالہ گلبہار، احسان، 7 سالہ عبدالحکیم، 20 سالہ ظہیر عباس، 22 سالہ عبدالغفار، 30 سالہ مسمات بادشاہ زادی اور 45 سالہ محمد عیسیٰ شامل ہیں جنہیں ورثا کی جانب سے زخمی حالت میں چانڈکا اسپتال کے شعبہ حادثات میں قائم سگ گزیدگی ویکسین سینٹر منتقل کیا گیا جہاں تمام زخمیوں کو ویکسین اور علاج فراہم کرنے کے بعد گھر روانہ کیا گیا۔
