اسلام آباد(جسارت نیوز)پہلا پی ٹی ایف ڈویلپمنٹ سیریز جونیئر نیشنل رینکنگ ٹینس ٹورنامنٹ کے مختلف کیٹیگریز میں کھلاڑی فائنل میں پہنچ گئے۔ہفتہ کوبوائز سنگلز انڈر 18 سیمی فائنل مقابلوں کے پہلے سیمی فائنل میں نیلین عباس نے احمد نیل قریشی کو6_1اور6_1جبکہ سمیع زیب نے محمد طلحہ خان کو 6_1اور6_1سے ہراکر فائنل میں پہنچ گئے۔بوائز سنگلز انڈر 16 سیمی فائنل میں عزیر خان نے محمد حذیفہ خان کو 6_4اور6_3سے مات دے کر فائنل کیلئے کوالیفائی کر لیا۔ دوسرا سیمی فائنل میچ جاری ہے۔بوائز / گرلز سنگلز انڈر 12 سیمی فائنل کے پہلے میچ میں حمزہ رومان نے نبیل علی قیوم کو 4_1 اور4_1جبکہ ابوبکر نے عامر مزاری کو 4_1اور4_0سے ہرا کر فائنل میں پہنچ گئے۔بوائز / گرلز سنگلز انڈر 10 سیمی فائنل کے پہلے میچ میں عبد الرحمن نے ہاجرہ سہیل کو 4_1اور4_2جبکہ شایان نے معظم بابر کو 4_0اور4_0سے شکست دے کر فائنل میں پہنچ گئے جبکہ بوائز / گرلز ڈبلز انڈر12 سیمی فائنل میں عامر مزاری اور حمزہ رومان نے لالہ رخ اور ماہ رخ کو 4_0اور4_0سے ہراکر فائنل میں پہنچ گئے۔
