راولپنڈی(جسارت نیوز)اسپورٹس ڈیپارٹمنٹ اور ڈسٹرکٹ ہاکی ایسوسی ایشن کے زیر اہتمام یوم پاکستان ہاکی ٹورنامنٹ آج ہفتہ سے شہناز شیخ ہاکی اسٹیڈیم میں شروع ہو گا جس میں راولپنڈی اور اسلام آباد کے رجسٹرڈ کلبوں کی ٹیمیں حصہ لیں گی۔ ڈسٹرکٹ ہاکی ایسوسی ایشن کے سیکرٹری شیخ علی عابد نے بتایا کہ یہ ٹورنامنٹ مارچ میں منعقد ہونا تھا مگر کورونا وبا کی وجہ سے اسے ملتوی کر دیا گیا تھا۔ ٹورنامنٹ میں سینئر اور جونیئر انڈر 16 کے مقابلے منعقد ہوں گے۔ انہوں نے بتایا کہ سینئر ٹورنامنٹ میں 16 جبکہ انڈر 16 ایونٹ میں 6 ٹیمیں حصہ لیں گی۔ ٹورنامنٹ کے فائنل مقابلے 27 جون کو کھیلے جائیں گے۔
