کوئٹہ: بلوچستان کے علاقے خضدار میں زائرین سے بھری بس کھائی میں جاگری، حادثے میں 18 افراد جاں بحق اور 30 زخمی ہوگئے۔
رپورٹس کے مطابق وڈھ سے دادو جانے والی بس تیز رفتاری کے باعث بےقابو ہوکر کھائی میں گر گئی جس کے نتیجے میں 18 مسافر جاں بحق اور 30 زخمی ہوگئے۔
جاں بحق اور زخمیوں کا تعلق صوبہ سندھ سے ہے جو پیر عبدالقادر کے عرس میں شرکت کے بعد واپس جا رہے تھے۔
زائرین کی بس کو حادثہ کھوڑی کے مقام پر پیش آیا۔ حادثے کی اطلاع ملتے ہی ریسکیو ٹیمیں اور سکیورٹی فورسز کے اہلکار جائے حادثہ پر پہنچے اور زخمیوں اور لاشوں کو خضدار کے اسپتال میں منتقل کیا۔
زخمیوں میں سے بعض کی حالت تشویشناک بتائی جاتی ہے۔
