نوواک جوکووچ فرنچ اوپن ٹینس کے سیمی فائنل میں پہنچ گئے

پیرس(جسارت نیوز)عالمی نمبر ایک سربیا کے ٹینس اسٹار نوواک جوکووچ فرنچ اوپن ٹینس کے سیمی فائنل میں پہنچ گئے۔ جس کے بعد اب ان کا مقابلہ عالمی نمبر 3 اسپین کے رافیل نڈال سے ہوگا۔ دونوں کھلاڑیوں کا یہ 58واں ٹاکرا ہوگا۔کوارٹر فائنل میں جوکووچ نے اٹلی کے میٹیو بریٹینی کو3-1سیٹس سے شکست دی جس کا اسکور 3-6، 2-6، 7-6اور 5-7رہا۔غیرملکی میڈیا کے مطابق 5ہزار شائقین کو یہ میچ دیکھنے کی اجازت دی گئی تھی۔اس کے علاوہ اسپین کے رافیل نڈال بھی فرنچ اوپن کے سیمی فائنل میں پہنچ گئے۔ دفاعی چیمپئن نے ارجنٹینا کے ڈیاگو شیوارزمین کو 3-6، 6-4، 4-6اور 0 -6سے شکست دی۔ان میچز کے بعد اب ایک سیمی فائنل نڈال اور جوکووچ اور دوسرا سٹسی پاس اور زیوروف کے درمیان ہوگا۔ مینز سیمی فائنلآج پیرس میں ہوگا جبکہ فائنل اتوار کو کھیلا جائے گا۔