کراچی (اسٹاف رپورٹر)این سی او سی کی جانب سے کھیلوں پر پابندیوں کی نرمی کے بعد پاکستان ہاکی فیڈریشن نے ڈومیسٹک ہاکی سرگرمیوں کے آغاز کا اعلان کردیا.اس حوالے سے صدر پاکستان ہاکی فیڈریشن برگیڈیئر ر خالد سجاد کھوکھر سے سیکرٹری جنرل پی ایچ ایف آصف باجوہ کی ملاقات ہوئی.ملاقات میں ایشیئن ہاکی فیڈریشن کے سی ای او/ سیکرٹری جنرل طیب اکرام چوہدری بھی شریک تھے.۔ پاکستان ہاکی فیڈریشن کے سیکریٹری جنرل اولمپیئن آصف باجوہ نے کہا کہ انشاء اللہ ہم پی ایچ ایف ڈومییسٹک سیزن کو بہترین انداز میں ترتیب دیں گے.ہماری بھرپور کوشش ہے پی ایچ ایف کے زیر اہتمام جولائی میں ہاکی فائیو لیگ کے انعقاد کیا جائے.جبکہ تیسرا چیف آف نیول سٹاف آل پاکستان ہاکی ٹورنامنٹ یکم تا آتھ اگست کراچی میں کھیلا جائیگا.اسکے علاوہ ماڑی پیٹرولیم آزادی ہاکی کپ 08 تا 14 اگست ایوب پارک راولپنڈی میں کھیلاجائیگا.مزکورہ ایونٹس میں پی ایچ ایف رینکنگ کی ٹاپ 8 ٹیمیں ایونٹ میں شریک ہونگیں.جس میں میں واپڈا، نیشنل بینک، سوئی سدرن گیس، نیوی، ماڑی پیٹرولیم، ایئرفورس، پنجاب اور آرمی شامل ہیں.ہماری بھرپور کوشش ہے کہ انٹرنیشنل ہاکی کو پاکستان میں لایا جائے جس سے پاکستان کی رینکنگ بہتر بنانے میں مدد ملے گی۔
