اسلام آباد (اسٹاف رپورٹر) شارجہ سے اسلام آباد آنے والے 4 مسافر کورونا میں مبتلا نکلے۔ کورونا مثبت آنے کے بعد مسافروں کو قرنطینہ مرکز منتقل کردیا گیا ہے۔ تفصیلات کے مطابق اسلام آباد ائرپورٹ پر شارجہ سے آنے والے 4مسافروں کا کورونا ٹیسٹ مثبت آیا، جس کے بعد چاروں مسافروں کو او جی ڈی سی ایل کے اسلام آباد میں واقع قرنطینہ مرکز منتقل کردیا گیا ہے۔ ائرپورٹ حکام کا کہنا ہے کہ دوران چیکنگ مسافروں کے جسم کادرجہ حرارت بھی زیادہ تھا، تاہم مسافروں کو کورونا نیگیٹیو رپورٹ پر گھر جانے کی اجازت ہوگی۔
