ملک پر مسلط ٹولہ وفاق اور صوبوں کو لڑانا چاہتا ہے،شہباز شریف

اسلام آباد(آن لائن ) مسلم لیگ (ن) کے مرکزی صد ر اور قومی اسمبلی میں قائد حزب اختلا ف  شہباز شریف نے استفسار کیا ہے کہ کیا مسلط حکومت وفاق اور اکائیوں کو باہم دست و گریباں کرانا چاہتی ہے؟ایک بیان میں شہباز شریف نے کہا کہ 140 ارب کی ایف بی آر کو ادائیگی پر اعتراض سامنے آیا ہے،ایف بی آر کو 140 ارب کی ادائیگی پر اے جی پی آر کے اعتراض نے ریونیو اعداد و شمار کا بھانڈہ پھوڑ دیا ہے۔ ہم نیوز کے مطابق شہباز شریف نے کہا کہ اعداد و شمار کی غلطی سامنے آنے کے بعد صوبوں کو ٹیکس وصولیوں میں حصہ بھی غلط ہی ملے گا۔ انہوں نے استفسار کیا کہ کیا مسلط حکومت وفاق اور اکائیوں کو باہم دست و گریباں کرانا چاہتی ہے؟