پیرس(جسارت نیوز)امریکا کے ٹینس اسٹار راجیو رام اور ان کے برطانوی جوڑی دار جو سیلسبری پر مشتمل تھرڈ سیڈڈ جوڑی دوسرے گرینڈ سلام فرنچ اوپن ٹینس ٹورنامنٹ مینز ڈبلز کے دوسرے رائونڈ میں اپ سیٹ شکست کے بعد باہر ہوگئیں۔ مناکو کے ٹینس کھلاڑی ہیوگو نیس اور ان کے جرمن جوڑی دار ٹم پیٹز نے مینز ڈبلز کے دوسرے رائونڈ میں امریکا کے ٹینس اسٹار راجیو رام اور ان کے برطانوی جوڑی دار جو سیلسبری پر مشتمل تھرڈ سیڈڈ جوڑی کو اپ سیٹ شکست سے دوچار کیا ۔ فرانس کے دارالحکومت پیرس میں دوسرا گرینڈ سلام فرنچ اوپن ٹینس ٹورنامنٹ سٹیڈ رولینڈ گراس پر کھیلا جا رہا ہے ۔
