بینک آف خیبر کے تحت اسکواش ٹیلنٹ ہنٹ پروگرام

پشاور( جسارت نیوز)مرد وخواتین کھلاڑیوں نے ڈائریکٹوریٹ جنرل اسپورٹس خیبر پختونخوا بنک آف خیبر انڈر 13 ٹیلنٹ ہنٹ پروگرام اسکواش لیگ کے لئے کوالیفائی کرلیا جن کے مابین مقابلے شروع ہوگئے کھلاڑیوں میں 3 لڑکوں او ر ایک لڑکی کا ٹیلنٹ ہنٹ پروگرام کے لئے انتخاب کیا جائے گا جنہیں مستقبل کے مقابلوں کی تیاری کے لئے تربیت وسہولیات دی جائیں گی۔ لڑکوں میں ہریرہ خان نے حاشر شہزاد، ابراہیم زیب نے سیف اللہ، حمزہ سجاد نے محمد رضا، شاہ زیب نے فواد خان، نعمان خان نے محمد احمد ملک، احمد ریان نے احمد ناز، عبید اللہ نے محمد علی رضا اور عمر عارف نے محمد اسماعیل کو دو صفر سے شکست ٹاپ 8 لیگ میں جگہ بنالی۔ لڑکیوں میں ملیحہ شاہ، عمیمہ قریشی، زینب، سنزل، زرلش، مہوش، رانیہ، رونق اور ماہ نور نے لیگ کے لئے کوالیفائی کرلیا۔ ناک آئوٹ مقابلوں میں 64 ، 64 کھلاڑیوں نے حصہ لیا۔اس موقع پر سابق ورلڈ چیمپئن جان شیر خان ، ڈائریکٹر آپریشن سید ثقلین شا ہ، ڈائریکٹریٹ آف اسپورٹس خیبرپختونخوا اسکواش کوچ منور زمان اور طاہر اقبال ، اے ڈی اسپورٹس ذاکراﷲ سمیت دیگراہم شخصیات موجود تھیں ، لیگ 4 جون تک جاری رہیگا۔