اسلام آباد (اسٹاف رپورٹر) پاکستان میں تعینات جنوبی کوریا کے سفیر
(Suh Sangpyo) نے نیول
ہیڈکوارٹرز اسلام آباد کا دورہ کیا ۔ ترجمان پاک بحریہ کے مطابق اپنے دورے کے موقع پر امیر البحر ایڈمرل محمد امجد خان نیازی سے جنوبی کوریا کے سفیر نے ملاقات کی ۔ ملاقات کے دوران باہمی دلچسپی کے امور اور دوطرفہ بحری تعاون پر تبادلہ خیال کیا گیا۔نیول چیف اور کوریائی سفیر کے درمیان میری ٹائم سیکورٹی صورتحال پر بھی بات چیت ہوئی۔
