کرسٹیا اور باربورا نے اسٹراسبرگ اوپن ٹینس کے فائنل میں جگہ بنالی

پیرس (جسارت نیوز)سورانہ کرسٹیا اور باربورا کریجکووا نے جیت کا سلسلہ برقرار رکھتے ہوئے اسٹراسبرگ انٹرنیشنل ٹینس ٹورنامنٹ کے فائنل کیلیے کوالیفائی کر لیا۔ ایونٹ کے پہلے سیمی فائنل میں سورانہ کرسٹیا نے میگڈا لینٹ اور دوسرے سیمی فائنل میں باربورا کریجکووا نے جولی نائمیر کو ہرایا۔ ڈبلیو ٹی اے کے زیر اہتمام اسٹراسبرگ انٹرنیشنل کے دلچسپ مقابلے فرانس کے شہر اسٹراسبرگ میں جاری ہیں۔ ویمن سنگلز مقابلوںکے پہلے سیمی فائنل رومانیہ کی سورانہ کرسٹیا نے پولینڈ کی میگڈا لینٹ کو دلچسپ مقابلے کے بعد 6-3 ، 4-6 اور 2-6 سے شکست دے کر فائنل کیلیے کوالیفائی کیا۔ دوسرے سیمی فائنل میں جمہوریہ چیک کی باربورا کریجکووا نے جرمنی کی جولی نائمیر کے خلاف 1-2 سے کامیابی حاصل کی اور فائنل میں جگہ بنائی۔ ان کی جیت کا اسکور 7-5 ، 3-6 اور 4-6 رہا۔