پیرس(جسارت نیوز)قزاخستان کی ٹینس کھلاڑی یولیا انتونوینا پوتنتیسوا اورپولینڈ کی مگڈا لنٹیٹ اسٹراسبرگ انٹرنیشنل ٹینس ٹورنامنٹ کے کوارٹر فائنل میں پہنچ گئیں ۔ ڈبلیو ٹی اے کے زیر اہتمام سٹراسبرگ انٹرنیشنل کے دلچسپ مقابلے فرانس کے شہر اسٹراسبرگ میں جاری ہیں۔ ویمن سنگلز مقابلوں کے پری کوارٹر فائنل مرحلے میں کھیلے گئے دونوں میچز میں فاتح کھلاڑیوں نے باآسانی ٹاپ ایٹ مرحلے کے لیے کوالیفائی کیا کیونکہ دونوں کھلاڑیوں کی حریف کھلاڑی میچ کے دوران فٹنس مسائل کے باعث مقابلے سے دستبردار ہوگئیں تھیں اور یوں قزاخستان کی ٹینس کھلاڑی یولیا انتونوینا پوتنتیسوا اورپولینڈ کی مگڈا لنٹیٹ نے باآسانی کوارٹر فائنل کے لیے کوالیفائی کیا۔
