پیرس(جسارت نیوز):ٹاپ سیڈ بیانکو اینڈرسیکو نے مرینا زینویسکا اور میگڈا لنیٹ نے ایلیز کارنیٹ کو شکست دے کر سٹراسبرگ انٹرنیشنل ٹینس ٹورنامنٹ کے کوارٹر فائنل میں جگہ بنا لی۔ ڈبلیو ٹی اے کے زیر اہتمام سٹراسبرگ انٹرنیشنل کے دلچسپ مقابلے فرانس کے شہر سٹراسبرگ میں جاری ہیں۔ ویمن سنگلز مقابلوں کے پری کوارٹر فائنل مرحلے میں ٹاپ سیڈ کینیڈا کی بیانکا اینڈریسکو نے بیلجیئم کی مرینا زینویسکا کو بآسانی سٹریٹ سیٹس میں شکست دی اور کوارٹر فائنل کیلئے کوالیفائی کیا۔ ان کی جیت کا سکور 1-6 او 4-6 رہا۔ پولینڈ کی میگڈا لنیٹ کو فرانس کی ایلیز کارنیٹ کے خلاف واک اوور مل گیا۔ ایلیز کارنیٹ دوسرے سیٹ کے دوران فٹنس مسائل کا شکار ہو گئیں اور انہیں میچ سے دستبردار ہونا پڑا۔
