لاڑکانہ (نمائندہ جسارت) سچل سرمست کے رہائشی 8 سالہ بچے حسنین ولد علی رضا چانڈیو کو مارکیٹ پولیس نے برآمد کرکے ادارہ معصوم ٹرسٹ کے سربراہ حاجی انور علی کھوکھر کے حوالے کردیا، جن کی جانب سے بچے کو لے کر پریس کلب پہنچ گئے۔ اس موقع پر حاجی انور علی کھوکھر نے بتایا کہ بچے کے ورثاء کو تلاش کرنے کے لیے انہیں سچل سرمست کے متعدد گاؤں میں لے گئے تاہم ان کے ورثاء کا کچھ بھی پتا نہ چل سکا، جس کے ورثاء کو تلاش کرنے کا عمل جاری ہے، پولیس مدد کرے تاکہ بچے کو اس کے ورثاء کے حوالے کیا جائے۔
