لاڑکانہ (نمائندہ جسارت) لاڑکانہ اور گردونواح میں آوارہ کتوں نے 24 افراد کو کاٹ کر زخمی کردیا، جن میں 4 سالہ نور احمد، 5 سالہ تنویر، 6 سالہ نور فاطمہ، علی رضا، 7 سالہ منیر، 8 سالہ غلام مرتضیٰ، 10 سالہ عابدہ، 12 سالہ ثاقب، عامر، 18 سالہ خورشید، 20 سالہ عارف، 21 سالہ عبدالمنان، امیر علی، 25 سالہ امام بخش، بشیران خاتون، اکرم، 30 سالہ جنت خاتون، محمد آچر، ندیم، 47 سالہ رستم، 60 سالہ غلام سکینہ خاتون، 65 سالہ محرابی خاتون، دریاہ خان اور خوش محمد شامل ہیں جنہیں ورثاء کی جانب سے زخمی حالت میں چانڈکا اسپتال کے شعبہ حادثات میں قائم اینٹی ربیز ویکسین سینٹر منتقل کیا گیا جہاں تمام زخمیوں کو ویکسین اور علاج فراہم کرنے کے بعد گھر بھیج دیا گیا۔
