میری لینڈ کے ایک میوزیم نے بتایا ہے کہ صدیوں پرانی ایک بستی کے مقام کی تلاش کرنے والے آثار قدیمہ کے ماہرین نے ایک نایاب چیز کو پایا ہے: ایک چاندی کا سکہ جس کا تعلق 17 ویں صدی سے ہے۔
ٹریوس پارنو ، جو تاریخی سینٹ میری شہر کے میوزیم میں ریسرچ اور کلیکشن کے ڈائریکٹر ہیں ، نے بتایا کہ شمالی امریکہ کی پرانی بستیوں میں سے ایک سینٹ میری کے قلعے کی باقیات جگہ تلاش کرنے والے آثار قدیمہ کے ماہرین نے چاندی کا سکہ دریافت کیا ہے جس پر بادشاہ چارلس I کی تصویر ہے۔
انہوں نے بتایا کہ اس پر تاریخ واضح نہیں ہے لیکن اتنا طے ہے کہ یہ 400 سال پرانا سکہ ہے جس پر بادشاہ چارلز کی تصویر موجود ہے۔ اس میں سکے کے بنانے والے کا نشان ہے جو صرف 1633 اور 1634 میں استعمال ہوا تھا لہذا اس پر تاریخ لازمی ہوگی تاہم خراب حالت کی وجہ سے واضح نہیں ہے۔
پارنو نے بتایا کہ یہ سکہ ایک غیر معمولی تلاش ہے۔ قلعے کی جگہ پر کھدائی اب بھی جاری ہے۔
