گاندھی نگر (انٹرنیشنل ڈیسک) بھارتی ریاست گجرات میں سمندری طوفان نے تباہی مچادی۔ اس دوان تیز ہواؤں اور موسلا دھار بارش سے 5 منزلہ رہایشی عمارت گر گئی۔ انتظامیہ کی ہدایت پر رہایشیوں کو عمارت سے نکال لیا گیا ہے اور کسی جانی و مالی نقصان کی اطلاع نہیں ملی۔ واضح رہے کہ طوفان کے باعث گجرات کے ساحلی علاقوں سے 2 لاکھ افراد کو نقل مکانی کرنا پڑی جب کہ مختلف حادثات میں 21 افراد ہلاک ہوگئے اور 100سے زائد لاپتا ہیں۔ ادھر 2 روز قبل ممبئی کے ساحلی علاقوں کے پاس طوفان کی زد میں آ کرڈوب جانے والے جہاز میں سوار درجنوں افراد کی تلاش تاحال جاری ہے۔
