اسلام آباد (آن لائن) معاون خصوصی شہباز گل نے کہا ہے کہ کرپشن کے بے تاج بادشاہ کے سپوت آج کرپشن پر بھاشن بازی کر رہے ہیں، پیپلز پارٹی میں کرپشن کے مہارتھیوں کی بھرمار ہے۔ بلاول زرداری کے بیان پر ردعمل دیتے ہوئے انہوں نے کہا کہ جعلی اکاؤنٹس کیس میں زرداری اور فریال تالپور پر 35 ارب روپے سے زاید لانڈرنگ کے کیسز ہیں۔ انہوں نے کہا کہ موصوف پر اوپل 225 کے جعلی اکاؤنٹس میں تقریباً 5 ارب کی منی لانڈرنگ کا الزام ہے، انہوں نے کہا کہ زرداری کے قریبی ساتھیوں نے سیاست کی آڑ میں اربوں کی کرپشن کی۔ مافیا ڈان آصف زرداری کے کرتوتوں کا حساب کون دیگا؟۔
