سکھر، الخدمت کی جانب سے ٹرینوں کے مسافروں میں سحری تقسیم

سکھر (نمائندہ جسارت) الخدمت فاؤنڈیشن سکھر کی جانب سے پنجاب اور کراچی جانیوالی مسافر ٹرینوں کے سیکڑوں مسافروں کو سحری تقسیم کی گئی، الخدمت فاؤنڈیشن کے رہنماء، ریلوے پریم یونین کے مرکزی سیکرٹری جنرل خیر محمد تنیوکی سربراہی میں روہڑی ریلوے اسٹیشن پر کراچی اور پنجاب آنے جانیوالی اپ اینڈ داؤن مسافر ٹرینوں کے مسافروں کو روزہ رکھنے کے لیے 27ویں روزہ کی سحری کے پیکٹس پیش کیے گئے۔ اس موقع پر صدر الخدمت فاؤنڈیشن روہڑی ہارون احمد قریشی، امیر جماعت اسلامی روہڑی آصف علی قریشی، الخدمت کے رہنماء، سابق امیر جماعت اسلامی سکھر شہر سرفراز احمد صدیقی سمیت دیگر رہنماء و الخدمت فاؤنڈیشن کے رضا کار ، پریم یونین کے کارکنان بھی موجود تھے۔ مسافروں نے الخدمت فاؤنڈیشن کی جانب سے سحری کی تقسیم کے اقدام کو سراہتے اظہار تشکر کیا۔