ملتان(اے پی پی)سی پی او ملتان منیر مسعود کی ہدایت پر انچارچ ملتان پولیس جوائنٹ ٹاسک ٹیم ناظمہ مشتاق کی زیر نگرانی مقامی پولیس، ایلیٹ فورس اور حساس اداروں کے ساتھ سرچ آپریشن کیا گیا۔ تھانہ صدر جلالپور کے علاقے بستی جعفریں ، بستی خان بیلا ، دراب پور شرقی ، دراب پور مغربی اور بستی رانا شیر کے گردونواح میں سرچ آپریشن کے دوران غیر قانونی اسلحہ رکھنے والوں کے خلاف کارروائی کی گئی اور 5افراد سے غیر قانونی اسلحہ برآمد کرکے مقدمات درج کیے گئے۔
