کوئٹہ (نمائندہ جسارت) بلوچستان کے ضلع سوراب میں انجیرہ کے مقام پر کوئٹہ کراچی شاہراہ پر کراچی سے عید منانے کیلیے پشین جانے والے افراد کی ٹوڈی کار سامنے سے آنے والے مزدا ٹرک سے ٹکرا گئی۔ حادثے میں کار تباہ ہوگئی اور اس میں سوار تین افراد تاج الدین، زین الدین اور انعام الدین اقوام سید ساکنان پشین موقع پر ہی جاں بحق ہوگئے جبکہ فیروز خان، عمران اور عزیز اللہ شدید زخمی ہوگئے۔ کار ڈرائیور کراچی کا رہائشی دلاور یوسفزئی معمولی زخمی ہوا۔ زخمیوں کو ڈسٹرکٹ ہیڈ کوارٹر اسپتال سوراب منتقل کردیا گیا۔
