کوئٹہ( نمائندہ جسارت) بلوچستان کے ضلع سوراب میں انجیرہ کے مقام پر کوئٹہ کراچی شاہراہ پر کراچی سے عید منانے کیلیے پشین جانے والے افراد کی ٹوڈی کار سامنے سے آنے والے مزدا ٹرک سے ٹکرا گئی۔ حادثے میں کار تباہ ہوگئی اور اس میں سوار 3 افراد تاج الدین ، زین الدین اور انعام الدین موقع پر ہی جاں بحق ہوگئے جبکہ فیروز خان، عمران اور عزیز اللہ شدید زخمی ہوگئے۔ کار ڈرائیور کراچی کا رہائشی دلاور یوسفزئی معمولی زخمی ہوا۔ زخمیوں کو ڈسٹرکٹ ہیڈکوارٹر ہسپتال سوراب منتقل کردیا گیا۔
