مارک سیلبی اور شان مورفی ورلڈا سنوکر چمپئن شپ کے فائنل میں

لندن(جسارت نیوز)انگلینڈ کے مارک سیلبی اور شان مورفی نے جیت کا سلسلہ برقرار رکھتے ہوئے 2021 ورلڈا سنوکر چمپئن شپ کے فائنل کے لیے کوالیفائی کر لیا۔ پہلے سیمی فائنل میں مارک سیلبی نے اسٹورٹ بنگھم جبکہ دوسرے سیمی فائنل میں شان مورفی نے کیرن ولسن کو شکست دی۔ ورلڈ اسنوکر چمپئن شپ کے دلچسپ مقابلوں کا سلسلہ کروسبیل تھیٹر، شیفیلڈ میں جاری ہے۔ میگا ایونٹ کے پہلے سیمی فائنل میں عالمی نمبر 4انگلینڈ کے مارک سیلبی نے ہم وطن حریف اسٹورٹ بنگھم کو بیسٹ آف33فریمز میں سخت مقابلے کے بعد 15-17 سے ہرا کر فائنل تک رسائی حاصل کی۔ ٹورنامنٹ کے دوسرے سیمی فائنل میں عالمی نمبر 7 انگلینڈ کے شان مورفی نے عالمی نمبر 6 ہم وطن کیرن ولسن کے خلاف 12-17 سے کامیابی حاصل کرکے فائنل کیلیے کوالیفائی کیا۔