سکھر (نمائندہ جسارت)الخدمت فاؤنڈیشن سکھر کی جانب سے روہڑی اسٹیشن پر کام کرنے والے قلی حضرات میں فوڈ پیکیجز تقسیم کیے گئے۔اس موقع پر ریلوے پریم یونین کے مرکزی جنرل سیکرٹری خیر محمد تنیو اور صدر الخدمت فاؤنڈیشن ضلع سکھر مامون الرشید باجوہ بھی موجود تھے۔ انہوں نے قلیوں میں فوڈ پیکجز تقسیم کیے، قلیوں کی جانب سے خوشی کا اظہار مسرت کرتے ہوئے کہا گیا کہ کورونا صورتحال اور لاک ڈاؤن سے متاثرہ محنت کش قلیوِں میں راشن تقسیم کے جانے پر شکر گزار ہیں، الخدمت فاؤنڈیشن سکھر ضلع کے صدر مامون الرشید اور ریلوے پریم یونین سی بی اے کے مرکزی سیکرٹری جنرل خیر محمد تنیو نے کا کہنا تھا کہ کورونا صورتحال اور لاک ڈاؤن کے باعث ٹرینوں کی آمد ورفت متاثر ہوئی ہے اور اس سے مسافروں کا سامان اٹھانے والے قلی بھی متاثر ہوئے ہیں، اس لیے الخدمت فاؤنڈیشن کی جانب سے ان میں راشن تقسیم کیا جارہاہے۔
