لزبن(جسارت نیوز)انگلینڈ کے ٹینس کھلاڑی کیمرون نوری اپنی عمدہ کارکردگی کی بدولت ایسٹوریل اوپن ٹینس ٹورنامنٹ کے سیمی فائنل میں پہنچ گئے۔ انہوں نے مینز سنگلز مقابلوں میں چلی کے سیکنڈ سیڈڈ حریف کھلاڑی کرسٹین اگناسیو گارون میڈون کو شکست دی۔ ایسٹوریل اوپن کے چھٹے ایڈیشن کے دلچسپ مقابلے پرتگال میں جاری ہیں۔ مینز سنگلز مقابلوں کے کوارٹر فائنل رائونڈ میں برطانوی ٹینس کھلاڑی کیمرون نوری نے سخت مقابلے کے بعد ایونٹ کے سیکنڈسیڈڈ چلی کے حریف کھلاڑی کرسٹین اگناسیو گارون میڈون کو شکست دے دی۔
