لاہور(نمائندہ جسارت) ن لیگی صدر شہباز شریف نے کہا ہے کہ عوام ووٹ کے آئینی و جمہوری حق کو استعمال کریں، عوام ووٹ کی طاقت استعمال کر کے دیانتدار قیادت منتخب کرسکتے ہیں۔شہباز شریف نے ایک بیان میں کہا کہ ہم نے عوام کے اعتماد کو کبھی ٹھیس نہیںپہنچائی، ہمیشہ وعدوں کو پورا کیا ہے، عوام ماضی کی طرح درست فیصلہ کریں آپ کے بنیادی مسائل یقیناًحل ہوجائیں گے۔شہباز شریف نے کہا کہ وبا کے پھیلا ئوکے پیش نظر اپنا اور اپنے اردگردلوگوں کا خیال رکھیں، ماسک پہن کر اپنی جان کی حفاظت کریں۔
