بارسلونا (جسارت نیوز) ٹینس اسٹار رافیل نڈال بارسلونا اوپن ٹینس میں فتح کے بعد عالمی رینکنگ میں دوسرے نمبر پر آگئے ہیں۔ پیر کو اے ٹی پی نے اپنی تازہ رینکنگ جاری کی جس کے مطابق سربیا کے نوواک ڈجکووچ پہلی پوزیشن پر موجود ہیں جبکہ سپینش ٹینس کھلاڑی رافیل نڈال نے بارسلونا اوپن ٹینس میں سخت مقابلے کے بعد فتح حاصل کرکے ڈانیل میدودیو کی جگہ دوسرے پوزیشن حاصل کرلی۔ اس فتح کے بعد رافیل نڈال نے کلے کورٹ میں سب سے زیادہ فتح کے ریکارڈ کو مزید بہتر بنا لیا۔ کلے کورٹ میں یہ ان کا 61واں ٹائٹل ہے۔ ان کے بعد دوسرے کامیاب ترین کھلاڑی ارجنٹائن کے گلیرمو ویلاس ہیں جنہوں نے کلے کورٹ میں 49 ٹائٹل حاصل کر رکھے ہیں۔ اے ٹی پی ٹینس رینکنگ کے مطابق روسی ا سٹار ڈانیل میدویدیو تیسری پوزیشن پر ہیں جبکہ ڈومینک تھیم چوتھی پوزیشن پر ہیں۔
اسٹیفانوس 5ویں، الیگزینڈر 6ویں ، آندرے ربلیو 7 نمبر پر ہیں۔ سوئٹزرلینڈ کے ٹینس اسٹار اور سابق ورلڈ نمبر ون راجر فیڈرر چھٹے نمبر پر موجود ہیں۔
