کراچی( سید وزیر علی قادری )کراچی ہاکی ایسوسی ایشن کے زیر اہتمام کے ایچ اے انٹر کلب ٹیلنٹ ہنٹ 5 اے سائیڈ رمضان ہاکی لیگ 2021 کا آغاز ہوگیا. لیگ میں 13 پولنگ ٹیمیں شامل ہیں. جنہیں 4 پول میں تقسیم کیا گیا ہے.میچ دن اور رات شیڈول کے مطابق جاری ہیں. لیگ 30 اپریل 2021 تک کے ایچ اے اسپورٹس کمپلیکس میں جاری رہے گی۔ کے ایچ اے انٹر کلب ٹیلنٹ ہنٹ 5 اے سائیڈ رمضان ہاکی لیگ 2021 کا اہتمام تمام سخت ایس او پی کے تحت کیا گیا ہے جس میں حرارت ، بلڈ پریشر اور نبض کی باقاعدگی سے جانچ پڑتال ، جراثیم کش دروازے سے گزرنا ، ہر دوسرے وقت شاور کے ذریعے صفائی ستھرائی اور مکمل معاشرتی فاصلے شامل ہیں۔ ڈاکٹر ظہیر خان ، ڈاکٹر ثمر اسلام اور ڈاکٹر محسن علی طبی فرائض سرانجام دے رہے ہیں اور تمام ایس او پیز پر سختی سے عمل در آمد کیا جارہا ہے۔ کراچی ہاکی کے سیکرٹری حیدر حسین کا کہنا تھا کہ ہاکی لیگ 5 اے سائڈ سے ینگ ٹیلنٹ سامنے آئے گا۔ ٹیم کے تمام کھلاڑیوں اور آفیشلز کو ہدایات دی گئیں ہیں کہ تمام ایس او پی کے مناسب طریقے سے عمل کریں بصورت دیگر وہ اس ٹورنامنٹ کا حصہ نہیں بن پائیں گے۔ کے ایچ اے انٹر کلب ٹیلنٹ ہنٹ 5 اے سائیڈ رمضان ہاکی لیگ 2021 پہلے دن کے پہلا میچ میں بلدیہ ٹاؤن ہاکی کلب نے پاک ونڈر ہاکی کلب کو 7-5 سے ہرا دیا.بلدیہ ٹاؤن ہاکی کلب کی.جانب سے فقیر نے 2, آصف نے ایک, عقیل نے 4 گول اسکور کئے.پاک ونڈر ہاکی کلب کی جانب سے بلال نے 3 ,محسن نے ایک, شیزاد نے ایک گول اسکور کیا.۔ دوسرے میچ میں بدر الدین ہاکی کلب نے پاک فلیگ ہاکی کلب کو 4-2 سے شکست دی.بدر الدین ہاکی کلب کی جانب سے- فیضان فرخ نے 3, شہمیر نے ایک گول اسکو ر کیا جبکہ پاک فلیگ ہاکی کلب کی جانب سیعلی مرتضی اور مرزا سلمان بیگ نے ایک , ایک گول اسکور کیا.تیسرے میچ میں الصغیر ہاکی کلب نے گلبرگ جونیئر ہاکی کلب کو 6-4 سے ہرادیا. الصغیر ہاکی کلب کی جانب سے ریان نے 5, حذیفہ نے ایک گول اسکور کیا. گلبرگ جونیئر ہاکی کلب کی جانب سے ماز نے 2,جنید اور محد نے ایک , ایک گول اسکور کیا.چوتھے میچ میں الفیصل یوتھ ہاکی کلب نے فیڈرل ہاکی کلب کو 3-1 سے مات دے دی. الفیصل یوتھ ہاکی کلب کی جانب سے معاذ اشفاق نے 3 گول کرکے ہیٹرک کی. جبکہ فیڈرل ہاکی کلب کی جانب سے واحد گول شہزاد قادر نے اسکور کیا۔
