اسلام آباد (آن لائن) مسلم لیگ(ن) کے صدر اور قائد حزب اختلاف شہباز شریف نے عوام، کارکنان اور رہنماؤں سے اظہار تشکر کرتے ہوے کہا ہے کہ اللہ تعالیٰ کا جتنا شکر ادا کروں کم ہے، جس نے ایک بار پھر ہمیں سرخرو فرمایا اور سچائی کو عیاں کر دکھایا۔ اپنے ایک بیان میں شہباز شریف نے آپ کی دعاؤں، محبتوں اور حمایت پر تہہ دل سے شکریہ ادا کرتا ہوں۔ آپ کی محبتوں سے بڑا میرے لیے کوئی اثاثہ نہیں۔ اللہ تعالی کا شکر ادا کرتا ہوں کہ آپ جیسے مخلص، نظریاتی اوروفاشعار ساتھیوں کا ساتھ ملا ۔ انہوں نے کہا میں اپنی بہنوں اور بیٹیوں کا بھی خاص طور پر شکریہ ادا کرتا ہوں جنہوں نے کمال جرات اور دلیری سے ہمیشہ قیادت اور پارٹی کی حمایت کی ۔ انشاء اللہ، کورونا کی ہلاکت خیزی میں کمی کے ساتھ ہی آپ سب سے ملاقات کے لیے منتظر ہوں ۔
